Талдықорғанда қоқыс контейнерінен жаңа туған нәрестенің денесі табылды

Талдықорғанда қоқыс контейнерінен жаңа туған нәрестенің денесі табылды. Ақпаратты Алматы облысының полиция департаменті растады, деп хабарлайды KAZ.NUR.KZ тілшісі.

Талдықорғанда қоқыс жәшігінен сәбидің денесі табылғаны туралы ақпарат 4 шілде күні әлеуметтік желіде пайда болған.

"Сәбидің денесін таңғы сағат 7-лер шамасында аула сыпырушы тауып алып, полицияға хабарлаған. Қазіргі уақытта оның денесі мәйітханаға жіберілді. Нәресте жаңа туған. Қыз бала", - дейді ведомствоның баспасөз қызметінен.

Қазір тәртіп сақшылары оқиғаның мән-жайын анықтап жатыр.

Еске сала кетсек, биыл сәуір айында Қостанай қаласындағы базарлардың бірінің аумағынан өлі сәби салынған пакет табылған болатын.

Мақаланың түпнұсқасы: https://kaz.nur.kz/society/1976839-taldyqorganda-qoqys-konteinerinen-zana-tugan-narestenin-denesi-tabyldy/