Белгілі журналист екі айға қамауға алынды

3 шілдеде журналист Махамбет Абжан ақша бопсалау күдігімен ұсталған болатын. Бүгін Нұр-Сұлтан қалалық соты Instagram әлеуметтік желісіндегі парақшасында Махамбет Абжанның қамауға алынғанын хабарлады.

Махамбет Абжан екі айға қамауға алынды.

"2022 жылғы 5 шілдеде Нұр-Сұлтан қаласының мамандандырылған ауданаралық тергеу соты күдікті Махамбет Абжанды 2 ай мерзімге күзетпен ұстау түріндегі бұлтартпау шарасын санкциялады", - делінген соттың хабарламасында.

Естеріңізге сала кетейік, бұған дейін Нұр-Сұлтанда Сыбайлас жемқорлыққа қарсы қызмет журналист Махамбет Абжанды ұстағанын жазған болатынбыз.

Мақаланың түпнұсқасы: https://kaz.nur.kz/society/1977129-belgili-zurnalist-eki-aiga-qamauga-alyndy/