Ертең Алматының екі ауданында ыстық су болмайды
Опубликовано:
Ертең, 13 шілдеде Алматының бірқатар көшесіндегі тұрғын үйлерде ыстық су болмйды. Бұл туралы Алматы қаласы әкімдігі Telegram арнасында хабарлады.
Ведомствоның мәліметінше, 2022 жылғы 13 шілде күні сағат таңғы 09.00-ден кешкі 21.00-ге дейін Медеу және Жетісу ауданындағы Қонаев – Райымбек – Жангельдин – Есік – кіші Алматы өзені – Айтеке би – Қалдаяқов – Мақатаев – Уалиханов көшелерінің контурында орналасқан тұрғын үйлерде және өзге де ғимараттарда ыстық су болмайды.
"Шектеулер жылу желілерінде жоспарлы жөндеу жұмыстарын жүргізу үшін енгізіледі. Уақытша қолайсыздықтар үшін кешірім сұраймыз", - делінген хабарламада.
Еске сала кетсек, бұған дейін Алматының Түрксіб және Наурызбай ауданының аумағында орналасқан бірқатар тұрғын үйлерге және өзге де ғимараттарға ыстық су беру уақытша тоқтатылатынын жазған едік.
Мақаланың түпнұсқасы: https://kaz.nur.kz/society/1978008-erten-almatynyn-eki-audanynda-ystyq-su-bolmaidy/