Шымкентте жергілікті патрульдік полиция полкінің рота командирлері ұсталды
Опубликовано:
Шымкент қаласы бойынша Сыбайлас жемқорлыққа қарсы қызмет жергілікті полиция қызметінің патрульдік полиция полкіндегі жүйелі сыбайлас жемқорлық фактісін анықтады, деп хабарлайды ведомство ресми сайтында.
Агенттіктің мәліметінше, қылмыстық қудалау орбитасына 30-дан астам полиция қызметкері мен олардың сыбайластары тартылып, оның ішінде 4 фигурант соттың санкциясымен қамауға алынған.
Сонымен қатар ведомство патрульдік полиция полкінің 4-ші рота командирі қоластындағылардан пара алған кезде ұсталғанын мәлімдеді.
Одан бөлек агенттік қызмет бойынша жалпы қамқорлығы үшін инспекторлардан жүйелі негізде 5 мыңнан 10 мың теңгеге дейінгі мөлшерде пара алды деген күдікпен 8-ші рота командирі ұсталғанын атап өтті.
7 шілдеде ол ҚР ҚПК 147-бабына сәйкес, Шымкент қалалық тергеу сотының санкциясымен 2 ай мерзімге қамауға алынған.
Сыбайлас жемқорлыққа қарсы қызмет өзге ақпарат тергеу мүддесіне байланысты жария етуге жатпайтынын жеткізді.
Мақаланың түпнұсқасы: https://kaz.nur.kz/society/1978106-symkentte-zergilikti-patruldik-policiya-polkinin-rota-komandirleri-ustaldy/