Top.Mail.Ru

Сайт нұсқасы

ru kz

Зектілері

Павлодарда облыстық мәдениет басқармасының басшысы сотталды

Опубликовано:

Самал Бегалинова
Самал Бегалинова. Фото: gov.kz

Павлодарда облыстық мәдениет, тілдерді дамыту және архив ісі басқармасының басшысы Самал Бегалиноваға қатысты сот үкімі шықты, деп хабарлайды KAZ.NUR.KZ тілшісі.

Сот үкімімен Самал Бегалинова пара алғаны үшін кінәлі деп танылып, 3 жылға бас бостандығынан айырылды. Ол жазасын қауіпсіздігі орташа колонияда өтейді.

Дегенмен сот оның кәмелетке толмаған балаларының барын ескеріп, жазасын өтеу мерзімін 5 жылға кейінге қалдырған.

Сонымен қатар Самал Бегалинова өмір бойы мемлекеттік қызметте жұмыс істеу құқығынан айырылып отыр.

Самал Бегалинова үкімді тыңдауда
Сот залынан фото: NUR.KZ

Естеріңізге сала кетейік, биылғы жылдың маусым айының ортасында Павлодар облысының мәдениет, тілдерді дамыту және архив ісі басқармасының басшысы пара алды деген күдікке ілінген болатын.

Сот барысында прокурор қылмыстық істің мән-жайын айтты.

Тергеу деректеріне сүйенсек, шенеунік астаналық мүсіншіден жаңа мектепке Әлихан Бөкейханның бюстін жасауға келісімшартқа отыру үшін және орындалған жұмыстарды кедергісіз қабылдау үшін 1 млн теңге сұраған.

Сот үкіміне сәйкес, пара ретінде берілген миллион теңге мемлекеттік кіріс ретінде тәркіленеді.

Мақаланың түпнұсқасы: https://kaz.nur.kz/society/1979104-pavlodarda-oblystyq-madeniet-basqarmasynyn-bassysy-samal-begalinova-sottaldy/

pixel