Бүгін Алматы мен Шымкентте аптап ыстық болуы мүмкін

Бүгін, 27 шілдеде Алматы мен Шымкентте ауа температурасы 40 градусқа дейін көтеріледі деп күтілуде. Бұл туралы "Қазгидромет" РМК синоптиктері хабарлады.

Синоптиктердің болжамынша, Алматыда бүгін сынап бағанасы 36-38 градусқа дейін көтеріледі. Соққан желдің күші 2-7 м/с жетеді. Оңтүстік астанада жауын-шашын жаумайды.

Шымкентте бүгін аптап ыстық болады деп күтілуде. Күндіз ауа температурасы 37-39 градусқа дейін көтеріледі. Сондай-ақ күн райы жауын-шашынсыз болады, дегенмен жел соғып, күші 8-13 м/с жетеді.

Ал Нұр-Сұлтанда бүгін жаңбыр жауып, найзағай ойнауы ықтимал. Сонымен қатар қатты жел соғып, күші 9-14 м/с жетуі мүмкін. Жауын-шашынға қарамастан, қалада күн ыстық болады. Мамандардың болжамынша, ауа температурасы 31-33 градусқа дейін көтеріледі.

Мақаланың түпнұсқасы: https://kaz.nur.kz/society/1980331-bugin-almaty-men-symkentte-aptap-ystyq-boluy-mumkin/