Алматыда төрт айлық нәрестенің жүрегіне ота жасалды

Перинатология және балалар кардиохирургиясы орталығының дәрігерлері жүрек ақауы бар төрт айлық нәрестеге күрделі ота жасады, деп хабарлайды KAZ.NUR.KZ тілшісі медициналық мекеменің баспасөз қызметіне сілтеме жасап.

Ота жасаған дәрігер Қайрат Қуатбековтің айтуынша, нәрестенің жүрегінде туғанынан ақауы болған.

"Біздің жағдайда, жүрек өкпе тамырларының 90% аномальды дренажымен біріктірілді.

Балаға шұғыл хирургиялық ем қажет болды.

Біз оған жоғары технологиялық операция жасадық, ол екі сағатқа созылды.

Операция кезінде біз өкпе атриумының қуысынан мембрананы резекцияладық.

Операция сәтті өтті.

Баланы ауруханадан шығаруға дайындап жатыр", - деді кардиохирург.