Қызылорда облысында бірнеше күн бұрын жоғалған ауыл тұрғыны өлі табылды

Қызылорда облысында бірнеше күн бұрын жоғалған ауыл тұрғыны өлі күйінде табылды, деп хабарлайды KAZ.NUR.KZ тілшісі өңірлік ТЖД баспасөз қызметіне сілтеме жасап.

Ведомство дерегінше, 11 тамыз күні сағат 8:10-да Жалағаш ауданы Мәдениет ауылынан 4 шақырым жерде екі күн бұрын фазендадан мал іздеуге шығып, қайтып оралмаған 1950 жылғы азаматты іздеу жұмыстары жүргізілді.

Іске Қызылорда облыстық ТЖД Жедел құтқару жасағының күші (5 құтқарушы, 1 кинологиялық есеп және 1 бірлік техника), ТЖД (2 қызметкер және 1 бірлік техника), аудандық полиция бөлімі (45 қызметкер және 6 бірлік техника), туыстары (5 адам, 1 бірлік техника) мен жергілікті тұрғындар (100 адам және 10 бірлік техника) жұмылдырылды.

Нәтижесінде азаматтың мәйіті сағат 10:05-те "Мәдениет" суару каналынан 15 шақырым жерден табылып, судан шығарылды.