Президент: Отбасында ойран салатындарға жазаны күшейту керек

Опубликовано:

зорлық-зомбылық
Көрнекі фото: pixabay.com

Қазақстан президенті Қасым-Жомарт Тоқаев бүгін ел халқына жыл сайынғы Жолдауын жариялады. Жолдауда мемлекет басшысы отбасында ойран салатындарға жазаны күшейтетін кез келгенін айтты, деп жазады KAZ.NUR.KZ.

"Отбасылық зорлық-зомбылықты қылмыс санатына жатқызу мәселесі қоғамда көптен бері талқыланып жүр. Құқық қорғау органдары бұл ұсыныстың дұрыс екеніне күмәнмен қарайды. Себебі, мұндай тұрмыстық жағдайларды анықтау оңай емес, яғни осындай оқиғаларды тергеп-тексеру қиынға соғады.

Бұл сөздің де жаны бар. Бірақ қалай десек те, отбасылық зорлық-зомбылыққа көз жұма қарауға болмайды.

Отбасында ойран салатындар жазаға тартылмаса, олар одан бетер басынып кетеді. Ал жапа шеккендер мүлдем қорғаусыз қалады.

Мұндай әрекеттер үшін жазаны күшейтетін кез келді деп санаймын. Зардап шеккен жандар елдің сөзінен немесе біреудің қысым жасауынан қорықпауы қажет", – деді Президент.

Мақаланың түпнұсқасы: https://kaz.nur.kz/society/1985711-prezident-otbasynda-oiran-salatyndarga-zazany-kuseitu-kerek/