Қазақстанның ірі қалаларында бүгін ауа райы қандай болады

"Қазгидромет" РМК синоптиктері бүгін, 12 қыркүйекте Нұр-Сұлтан, Алматы және Шымкент қалаларында ауа райы қандай болатынын хабарлады.

Мамандардың мәліметінше, Алматыда бүгін жауын-шашынсыз ауа райы күтіледі. Термометр бағанасы +20...+22 градусты көрсетуі мүмкін.

Синоптиктер осы орайда Алматы тұрғындары мен қонақтарына қалада жел соғатынын және оның жылдамғығы 5-10 метрге дейін жететінін ескертті.

Шымкентте де жылы ауа райы болжануда: бұнда термометр +22...+24 градусқа дейін көтеріледі. Сондай-ақ мегаполис тұрғындарына желдің екпіні секундына 8-13 метрге дейін күшейетіні хабарланды.

Дүйсенбіде Нұр-Сұлтан қаласында жаңбыр жауатыны, күннің күркірейтіні жария етілді. Елордада ауа температурасы +12...+14 градусқа дейін төмендеуі мүмкін, дейді синоптиктер. Сонымен қатар бұнда желдің екпіні секундына 9-14 метрге дейін барады деп болжанып отыр.