"Супер келін": Павлодар облысындағы ең үздік келін анықталды (фото)

Опубликовано:

pavlodarnews.kz
Фото: pavlodarnews.kz

Павлодар облысында "Супер келін - 2022" байқауы өз мәресіне жетті, деп хабарлайды Pavlodarnews.kz сайтына сілтеме жасаған KAZ.NUR.KZ.

Байқауға облыстың түкпір-түкпірінен 28 жасқа дейінгі келіндер қатысқан.

Сайыс "Менің отбасым – менің бақытым!", "Шебер келін", "Шығармашыл мен" бөлімдерінен және ұлттық ас пен салт дәстүрлерді дәріптеу секілді бөлімдерден тұрған.

Фото: Павлодарда "Супер келін 2022" байқауы өтті/pavlodarnews.kz
Фото: Павлодарда "Супер келін 2022" байқауы өтті/pavlodarnews.kz

Қатысушылардың өнерін "Нұр ана әлемі" қорының өкілі Қайырлы Жақсыбаева, "Мемлекеттік бағдарламаларды іске асыру" бөлімінің басшысы Гүлжанат Иманғазы және "Даму" орталығының басшысы Нариман Өскенбаев секілді байқау комиссиясы бағалады.

Фото: Павлодарда "Супер келін 2022" байқауы өтті/pavlodarnews.kz
Фото: Павлодарда "Супер келін 2022" байқауы өтті/pavlodarnews.kz

Байқау қорытындысы бойынша бірінші орын мен "Супер келін-2022" атағын Ертіс өңірінен келген қатысушы Гәкку Қайрат жеңіп алса, "Өнерлі келін" номинациясы Аққұлылық Мұхаммедәлі Аяужанға бұйырды. "Шебер келін" номинациясында Шарбақты ауданынан келген Ламия Авдол жеңіске жетті.

Мақаланың түпнұсқасы: https://kaz.nur.kz/society/1987296-super-kelin-pavlodar-oblysyndagy-en-uzdik-kelin-anyqtaldy-foto/