"Qazaq gaz" 34 мың шымкенттікті газбен қамтымақ

Шымкент қаласының Қаратау ауданына қарасты шағын аудандардағы көгілдір отын мәселесі кезегімен шешімін табуда.

Азат елдімекеніндегі газ қосу шарасына қала әкімі М. Әйтеновпен бірге халық қалаулылары, жергілікті тұрғындар сондай-ақ БАҚ өкілдері қатысты.

Мұнда жалпы 8,9 шақырым газ құбыры тартылып, жұмыс толық аяқталды. Нәтижесінде 519 абонент көгілдір отынмен қамтылады. Қазіргі уақытта "QazaqGaz" Ұлттық компаниясы" АҚ тарапынан абоненттеу жұмысы жүргізілуде.

Биыл Шымкентте 15 нысанда газбен қамту құрылыс жұмыстары жүргізілуде. Жыл соңында Батыс, Арғымақ, Ақтас, Ақтас-2, Ақжар, Көкбұлақ, Нұртас, Тұран-2 кезек, Сәуле елдімекендері және Ақтас магистралды жүйелердің құрылысы аяқталады. Нәтижесінде 34 мыңнан астам адам табиғи газ жүйелеріне қосылмақ.

Елдімекендерді табиғи газбен қамту жоспарымен бөліскен М.Әйтенов, бұл маңызды істің жүзеге асырылуындағы "QazaqGaz" Ұлттық компаниясы" АҚ басшылығының қолдауына алғысын білдірді.

Мердігер мекеме және сала басшылығына күн суытпай абоненттеу жұмысын аяқтауды тапсырды.