Петропавл әкімдігі "ресейліктерді госпитальге орналастыру" туралы желідегі ақпаратқа пікір білдірді

Опубликовано:

Аурухана
Көрнекі фото: Алматы ДСБ баспасөз қызметі

Әлеуметтік желілерде және мессенджерлерде Петропавлда Ресей Федерациясынан келген адамдарды COVID-19 жұқтырғандарға арналған госпитальге орналастырып жатқаны туралы ақпарат тарады. Бұл шындыққа жанаспайды, деп хабарлайды Stopfake.

Басылымның хабарлауынша, Солтүстік Қазақстан облысының әкімдігі бұл ақпаратты жоққа шығарған.

"Бұл жалған ақпарат", – деп хабарлады ведомствоның баспасөз қызметі басылымға.

Сондай-ақ Ақпарат және қоғамдық даму министрлігі де бұл хабарлама жалған деп мәлімдеген.

"Әлеуметтік желілерде тараған ақпарат шындыққа сәйкес келмейді. Бұл мәселе СҚО әкімдігінің денсаулық сақтау басқармасының бақылауында", – делінген министрліктің хабарламасында.

Басылым оқырмандарды әлеуметтік желілер мен мессенджерлердегі арандатушылық хабарламаларға сенбеуге шақырды.

Мақаланың түпнұсқасы: https://kaz.nur.kz/society/1989602-petropavl-akimdigi-reseilikterdi-gospitalge-ornalastyru-turaly-zelidegi-aqparatqa-pikir-bildirdi/