Павлодарлық ТЖД отқа оранған үйден әйелді алып шыққан жас жігітті іздеп жатыр
Опубликовано:
Павлодардың төтенше жағдайлар департаменті отқа оранған үйде қалып қойған әйелді құтқарған қала тұрғынын іздеп жатыр, деп хабарлайды Павлодар қалалық ТЖД баспасөз қызметі Instagram парақшасында.
Павлодар облысы төтенше жағдайлар департаменті 7 қыркүйекте Павлодар қаласы Гоголь көшесі 284 және 286 мекенжайында болған өрттің куәгерлерін іздеуде.
Сондай-ақ жанқиярлық танытып, жанып жатқан үйден әйелді алып шыққан Иса атты жас жігіттің жауап беруін сұрайды.
Айта кетейік, 7 қыркүйек күні сағат 15.56 кезінде 101 пультіне хабар түскен. Қоңырау шалған адам Гоголь көшесіндегі 284, 286 үйлер жанып жатқанын жеткізген.
Жалынды аузыдықтауға 6 техника, 25 құтқарушы жұмылдырылған.
Өрттен 2 азамат зардап шекті. 1957 және 1985 жылы туған әйелдер №1 қалалық ауруханаға жатқызылды.
Мақаланың түпнұсқасы: https://kaz.nur.kz/society/1990589-pavlodarlyq-tzd-otqa-orangan-uiden-aieldi-alyp-syqqan-zas-zigitti-izdep-zatyr/