Таразда ұстаздар күніне орай мерекелік іс-шара мен педагогтерді марапаттау рәсімі өтті
Опубликовано:
Бүгін Тараз қаласының оқушылар сарайында "Ұстазға мың алғыс!" атты қалалық ұстаздар күніне орай мерекелік іс-шара мен марапаттау рәсімі ұйымдастырылды.
Осынау ұстаз атты қастерлі ұғым барша адамзат үшін қадірлі. Қоғамның ары мен ақылы саналатын ұстаз – бүкіл халық құрметтейтін тарихи мол, ерекше кәсіп.
Жиынға Тараз қаласының әкімі Орынбеков Бақытжан Әмірбекұлы қатысып, мұғалімдерді мерекелерімен құттықтады.
Іс –шараға жалпы 350 адам шақырылып, мектептен тыс балалар шығармашылығы орталығының тәрбиеленушілері ұстаздарға алғыс айта отырып, өздерінің концерттік шығармашылық өнерлерін көрсетті.
Білім саласында ұзақ жылдар бойы адал еңбек еткен ардагер –педагогтар марапатталды.
Жиын барысында білім саласында ұзақ та нәтижелі еңбек етіп, сапалы білім беріп жүрген, өз қызметтерін аброймен атқарып жүрген 15 мұғалімге Қазақстан Республикасының Оқу-ағарту министрлігінің, Жамбыл облысы әкімдігінің білім басқармасының, Тараз қаласы әкімінің Құрмет грамоталарымен марапатталды.
Жалпы осы орайда аймақ ұстаздары 3 халықаралық, 13 республикалық, 33 облыстық конкурстарда және 2500 қашықтық байқауларында жүлделі орындарды иеленгенін айта кеткен жөн.
Мақаланың түпнұсқасы: https://kaz.nur.kz/society/1991434-tarazda-ustazdar-kunine-orai-merekelik-is-sara-men-pedagogterdi-marapattau-rasimi-otti/