Top.Mail.Ru

Сайт нұсқасы

ru kz

Зектілері

Алматы әкімі LRT желісі қай көше арқылы өтетінін айтты

Опубликовано:

LRT желісі
LRT желісі. Фото: almaty-lrt.kz

Алматыда жеңіл рельсті трамвай (LRT) желісі жобасын жүзеге асыру туралы шешімі келесі жылы қабылданады. Бұл туралы қала әкімі Ерболат Досаев мәлім етті, деп хабарлайды ҚазАқпарат.

Басылымның хабарлауынша, қала тұрғыны әкімнен Алматыда LRT желісін салу мәселесі қаншалықты өзекті екенін сұраған.

"2010 жылдан бері бұл мәселе шешімін таппай келеді. Мен оның қаншалықты өзекті екенін білгім келеді? Төле би көшесінің бойындағы трамвай рельстері әлі толық алынған жоқ", - дейді тұрғын.

Бұл сауалға жауап берген Ерболат Досаев LRT жобасы қаланы дамыту жоспарына енгізілгенін атап өтті.

"Жақында мемлекет басшысы Павлодарда Алматы трамвайына қатысты ойын білдірді. Біз қаланы дамыту жоспарына енгізген жаңа жоба – бұл төмен еденді трамвай типті LRT. Келесі жылдың көктемінде жобаның құнына қатысты түпкілікті шешім қабылдаймыз.

Төле би көшесінде LRT болады. Саяхат автовокзалынан желілерді қосып, Ақсайға дейін созу қала үшін өте маңызды. Біз жерді сатып алу жұмыстарын жалғастырамыз. Келесі жылдың көктемінде жобаның қалай жүзеге асатынын айтамын", - дейді Ерболат Досаев.

Мақаланың түпнұсқасы: https://kaz.nur.kz/society/1992531-almaty-akimi-lrt-zelisi-qai-kose-arqyly-otetinin-aitty/

pixel