Бүгін еліміздің ірі қалаларында ауа райы қандай болады
Опубликовано:
Қазақстанның ірі қалалары – Астана, Алматы және Шымкентте 14 қазан, жұма күні жауын-шашынсыз жылы ауа райы сақталады, деп хабарлайды Қазгидромет ресми сайтында.
Синоптиктердің болжауынша, бүгін Алматыда термометр бағаны +20...+22 градусқа дейін көтеріледі. Желдің жылдамдығы 2-7 м/c дейін жетеді.
Бүгін Астанада Алматыға қарағанда аздап салқын, елордада ауа температурасы 17-19 градус, желдің жылдамдығы 5-10 м/с болады деп күтілуде.
Синоптиктер Шымкентте ыстық болады деп болжап отыр. Мұнда термометр бағаны +25...+27 градусты көрсетеді. Жел 8-13 м/с дейін күшеюі мүмкін.
Бұған дейін хабарланғандай, алдағы күндері республиканың барлық аумағында жауын-шашынсыз жылы ауа райы сақталады, тек батыс облыстарда күн суытады деп күтілуде.
Мақаланың түпнұсқасы: https://kaz.nur.kz/society/1992650-zumada-elimizdin-iri-qalalarynda-aua-raiy-qandai-bolady/