Бүгін елдің ірі қалаларында ауа райы қандай болады

Бүгін, 24 қазанда Астана мен Алматыда күн бұлтты болады, ал Шымкентте жаңбыр жауады. Бұл туралы "Қазгидромет" РМК ресми сайтында хабарланды.

Бүгін Астанада жауын-шашынсыз ауа райы болжанып отыр, күн бұлтты болады. Күндіз ауа температурасы +3...+5 градусқа дейін көтеріледі.

Синоптиктер болжамына сәйкес, Алматыда жауын-шашын болмайды. Күндіз температура +10...+12 градусқа дейін жетеді. Желдің жылдамдығы 2-7 м/с құрайды.

Ал Шымкент тұрғындарын қысқа мерзімді жауын-шашын күтеді. Күндіз ауа +12...+14 градусқа дейін қызады. Желдің жылдамдығы 8-13 м/с деңгейінде болады, делінген болжамда.