"Қан жағылған мата бар": Дуаланғанын айтқан атыраулық әйел бейіт басынан күмәнді заттар тауып алды (фото)

Опубликовано:

Қабір басынан табылған өртенген заттар
Қабір басынан табылған заттар. Фото: azh.kz

Әлеуметтік желіде Атыраудағы бейіт басында түсірілген бейнежазба жарияланды. Белгісіз әйел өзінің дуаланғанын айтып, қабір басын көрсеткен, деп жазады Ақ жайық.

Қабірдің жанынан бірнеше адамның аты жазылған қағаздар, қасық, көзілдірік, қан жағылған маталар табылды. Қағазда адамның атынан бөлек оның жұмыс орны, ЖСН нөмірі, көліктің нөмірі көрсетілген. 

"Дуалауға адамның жеке заттарын пайдаланады. Осылай адамдардың тағдырын бұзады, отбасымен араздастырады", - дейді кадр сыртындағы дауыс. 

Бұл бейнежазба ел арасында қызу талқыға түсті. ҚМДБ Атырау облыстық филиалындағылар оларға әзірге мұндай арыз-шағым түспегенін айтады.

Ал Полиция департаменті "жиналған құжаттар Атырау облыстық дін істері басқармасына жолданды" деп хабарлады.

Мақаланың түпнұсқасы: https://kaz.nur.kz/society/1994221-qan-zagylgan-mata-bar-dualanganyn-aitqan-atyraulyq-aiel-beiit-basynan-kumandi-zattar-tauyp-aldy-foto/