Қостанай облысында күн райының суытуына байланысты жолдар жабылды

Қостанай облысында ауа райының қолайсыздығына байланысты бірнеше бағыттағы автомобиль жолдары жабылды, деп хабарлайды KAZ.NUR.KZ Қостанай жаңалықтарына сілтеме жасап.

Алдымен жүк көлігіне арналған "Рудный - Качары - Федоровка" тас жолы жабылған.

Кейін облыстық Төтенше жағдай департаменті тағы екі жолда қозғалыс тоқтағанын растады.

Атап айтар болсақ, "Қарасу-Үлкен Чураковка" және "Қойбағар - Қарасу - Севастопольский" тас жолдары күн райының қолайсыздығына байланысты уақытша жабылды.

Еске сала кетейік, Қазгидромет еліміздің барлық аймағында күн суытқанын хабарлап жатыр.