Top.Mail.Ru

Сайт нұсқасы

ru kz

Зектілері

Жетісуда ер адам аңға шығар алдында танысын атып тастады деген күдікке ілінді

Опубликовано:

Кісен
Көрнекі фото: pixabay.com

Жетісуда ер адам танысын аңшы мылтығымен атты деген күдікпен ұсталды, деп хабарлайды Polisia.kz.

Басылым дерегінше, аталған факті Көксу ауданында тіркелді. 2 қараша күні кешкі уақытта Мақаншы ауылынан 45 жастағы ер адам оқ жарақатымен ауруханаға жатқызылды. Тергеу барысында жәбірленушіні Талдықорған қаласынан қонаққа келген жақын танысы мылтықпен жаралағаны белгілі болды.

“Ер адамдар аң аулауға шығуды жоспарлағаны алдын ала анықталды. Ішімдік ішу кезінде олардың арасында жанжал туындаған. Соның салдарынан қонақ аңшы мылтығымен үй иесінің аяғынан атқан. Қазір денсаулыққа қасақана ауыр зиян келтіру дерегі бойынша сотқа дейінгі тергеу амалдары жүргізілуде.

Күдіктіге тіркелген 12 калибрлі ИЖ мылтығы тәркіленіп, қылмыстық іс материалдарына заттай дәлел ретінде тігілді”, – деп хабарлады Көксу аудандық полициясы.

Тергеу барысында ұсталған күдіктіге қатысты келуге міндетті процессуалдық мәжбүрлеу шарасы таңдалды.

Мақаланың түпнұсқасы: https://kaz.nur.kz/society/1995645-zetisuda-anga-sygar-aldynda-tanysyn-atyp-tastagan-er-adam-ustaldy/

pixel