Шымкентте қыздарды желі арқылы жұмысқа алып, кейін сатып жіберген күдіктілер ұсталды

Ішкі істер министрлігінде өткен брифингте мамандар Қазақстаннан қыздарды қызметке алу схемасы туралы айтты. "ВКонтакте" әлеуметтік желісінде оларға жоғары жалақы алатын жұмыс ұсынылған, кейін оларды сатып немесе жезөкшелікке айырбастаған, деп хабарлайды KAZ.NUR.KZ.

ІІМ Ұйымдасқан қылмысқа қарсы күрес департаментінің бастығы Қанат Нұрмағамбетовтың айтуынша, Шымкентте полицейлер 11 адамнан тұратын қылмыстық топты әшкерелеген. Олар Шымкент, Тараз және Түркістан қалаларында жыныстық қанау мақсатында қыздарды, оның ішінде кәмелетке толмағандарды сатумен айналысқан деген болжам бар.

"Тергеу барысында жас қыздардың Қазақстанның әр түрлі қалаларынан таныстары мен "ВКонтакте" әлеуметтік желісі арқылы жұмысқа қабылданғаны анықталды, онда жақсы еңбек жағдайлары бар жоғары ақы төленетін жұмыс ұсынылған.

Осыдан кейін оларды алдау және сеніміне кіре отырып, құжаттарын алып қою арқылы жезөкшелікпен айналысуға тартқан, кейіннен оларды қаланың жалдамалы пәтерлерінде, сауналары мен қонақ үйлерінде одан әрі пайдалану үшін сауда және айырбастау жүргізілген, түскен табысты өздеріне алып отырған", – деді Нұрмағамбетов.

Ол қыздар келіспеген жағдайда зорлық-зомбылыққа, бопсалауға, жалған айыппұлдарға және мефедронды (синтетикалық есірткі) қолдануға мәжбүрлеуге ұшырағанын айтты.

"Аталған факті бойынша ұйымдасқан топ құру және оған жетекшілік ету, сондай-ақ оған қатысу, адам саудасы, кәмелетке толмағандарды жезөкшелікпен айналысуға, жеңгетайлық баптары бойынша сотқа дейінгі тергеу амалдары жүргізілуде. Күдіктілер ұсталып, қамауда отыр", – деп хабарлады ІІМ.