Бүгін Алматыда 10 балдық кептеліс тіркелді

Алматыда 8 қараша күні кешке он балдық кептеліс тіркелді. Бірнеше картографиялық қызмет оңтүстік астанадағы жол жағдайы қиын екенін хабарлады, деп жазады KAZ.NUR.KZ.

Алматылық жүргізушілер кептеліске шағымданып жатыр. Олар танымал навигациялық қосымшалар арқылы жолдағы жағдайға наразылығын білдіруде.

Картографиялық қызметтерде қаланың бірқатар орталық көшесі трафик жағдайына байланысты қызыл түске боялған.

Айта кетейік, бүгін Алматыда қар аралас жаңбыр жауды.

Cондай-ақ, қалада бүгін екі қоғамдық автобус соқтығысып, салдарынан бір адам қаза болды. Қалалық полиция департаменті тағы 15 адам жарақат алғанын хабарлады. Сондай-ақ құзырлы орган аталмыш факті бойынша қылмыстық іс қозғалғанын мәлім етті. Кейінірек зардап шеккендер саны артқаны белгілі болды.