Шығыста қар жауады: сәрсенбіде ел аумағында ауа райы қандай болады

"Қазгидромет" РМК 23 қараша сәрсенбіге арналған ауа райы болжамын ұсынды, деп хабарлайды KAZ.NUR.KZ.

Синопиктердің болжамынша, атмосфералық фронттардың өтуіне байланысты бүгін еліміздің басым бөлігінде ауа райы тұрақсыз болады,

Яғни кей жерлерде жауын-шашын (жаңбыр, қар), шығыста - қар жауады.

Республика бойынша тұман, көктайғақ, батыста, шығыста, оңтүстік-шығыста желдің күшеюі, сондай-ақ шығыста және солтүстік-батыста бұрқасын күтіледі.

Метеорологтардың мәліметінше, одан бөлек бүгін Жетісу облысының таулы және тау бөктеріндегі аудандарында, Алматы облысының оңтүстігінде және таулы аудандарында, Жамбыл облысының солтүстік-шығысында, таулы аудандарында қатты жауын-шашын (жаңбыр, қар) күтіледі.

Ал Шығыс Қазақстан облысының солтүстігінде, шығысында, Абай облысының оңтүстігінде қалың қар жаууы ықтимал.