Екібастұз ЖЭО учаскесі бастығының өліміне қатысты болжамдар шықты

Павлодар облысының полиция департаментінде ЖЭО учаскесінің 33 жастағы бастығының өліміне қатысты жаңа мәліметтер белгілі болды. Оқиғаның мән-жайы Polisia.kz Telegram арнасында жарияланды.

Хабарламада айтылғандай, бұл факті сотқа дейінгі тергеп-тексерудің бірыңғай тізілімінде тіркелген.

Екібастұз қаласының ПБ-да тергеу амалдары жүргізіліп жатыр, сондай-ақ болған оқиғаның мән-жайы алдын ала анықталды.

"33 жастағы ер адамның денесі Екібастұз гараждарының бірінде жұмыс істеп тұрған қозғалтқышы бар жеке автокөліктен табылды. Алдын ала мәліметтер бойынша, жағдайлар отбасылық жанжал салдарынан болған және марқұмның қызметімен байланысты емес.

Бірқатар сараптама тағайындалды, олардың нәтижесі бойынша процессуалдық шешім қабылданады", – деп хабарлады Павлодар облысы ПД бастығының орынбасары Рашад Өтеуов.