Тұман, көктайғақ: еліміздің төрт облысында дауылдық ескерту жарияланды

"Қазгидромет" РМК ресми сайтында ауа райының қолайсыздығына байланысты Қазақстанның төрт облысында дауылдық ескерту жариялады, деп жазады KAZ.NUR.KZ.

Синоптиктердің болжамынша, 7 желтоқсанда Қызылорда облысының оңтүстігінде, 8-9 желтоқсанда облыстың солтүстігінде тұман күтіледі.

7 желтоқсанда түнде және таңертең Жетісу облысының таулы және тау бөктеріндегі аудандарында да тұман түсіп, көктайғақ болуы ықтимал.

Сондай-ақ 7 желтоқсанда Түркістан облысының солтүстігінде, таулы және тау бөктерлі аудандарында да тұман, көктайғақ күтіледі. Одан бөлек өңірде солтүстік-батыстан жел соғып, тау асуларында күші 15-20 м/с-қа дейін жетуі мүмкін.

7 желтоқсанда Қостанай облысының солтүстігінде де тұман күтілетінін айта кетейік.