Top.Mail.Ru

Сайт нұсқасы

ru kz

Зектілері

Алматыдағы рейдерлік басып алуларға қатысты істе жаңа фигуранттар пайда болды

Опубликовано:

Видеодан
Видеодан кадр: Polisia.kz

Қаржы мониторингі агенттігі бірқатар компанияны рейдерлік басып алу туралы іс бойынша жаңа мәліметтерді жариялады. Осылайша, тағы бірнеше адам іздестіріліп жатқаны белгілі болды, деп хабарлады ведомствоның ресми Telegram арнасы.

Бұған дейін Қаржылық мониторинг агенттігі ұзақ уақыт бойы рейдерлік тәркілеумен айналысқан бір топ адамның әрекетін тоқтатқан болатын.

Ведомство хабарлағандай, сотқа дейінгі тергеу аясында 5 қатысушы қамауға алынып, ұйымдастырушы Қоспаев Елдос, сондай-ақ оның сенімді адамдары Имашев Ерлан мен Шалин Русланға іздеу жарияланды.

Оларға қатысты сот сырттай қамауға алу бұлтартпау шарасын санкциялады.

Соңғы мәліметтер бойынша, қылмысқа қатысы бар басқа да сыбайластар анықталды. Олар - Қоспаев Айдос, Кудряшева Оксана және Кузнецов Алексей.

Бұл адамдардың барлығы іздестірілуде.

"Іздеудегі адамдардың қайда екенін білетін болсаңыз, ҚМА сенім телефонына хабарласыңыз. Ақпарат ұсынғаны үшін ақшалай сыйақы, ал құпиялылыққа кепілдік беріледі", – деді ведомство өкілдері.

ҚПК 201-бабы негізінде іс бойынша өзге де мәліметтер жария етілмейді.

Іздеудегі адамдардың суреттері ҚМА бейнематериалында көрсетілген.

Мақаланың түпнұсқасы: https://kaz.nur.kz/society/2000723-almatydagy-reiderlik-iste-zana-figuranttar-paida-boldy/