Бүгін ел мегаполистерінде ауа райы қандай болады

Қазгидромет бүгін, желтоқсанның 13-іне арналған ауа райы болжамын ұсынды, деп хабарлайды KAZ.NUR.KZ тілшісі.

Оған сәйкес, Алматыда күн бұлтты, жауын-шашынсыз, ауа температурасы -1-3 градусты құрайды. Оңтүстік астанада желдің жылдамдығы секундына 0-5 метрге дейін жетеді.

Астанада күн ашық болады, ауа температурасы -8 -10 градус болады деп күтілуде. Тұрғындарға желдің 9-14 м/с-ке дейін күшеюі туралы ескерту жасалды.

Шымкентте бүгін күн жылы, ауа температурасы +1-ден +3 градус аралығында болады. Мегаполисте күн ашық болады деп күтілуде.