Ақтау тұрғыны тағдырын түзетемін деп сан соғып қалды

Ақтау тұрғыны тағдырымды түзеймін деген үмітпен көріпкелге 800 мың теңгедей ақшасын беріп қойған, бірақ күткені орындалмаған соң полицияға жүгінген, деп хабарлайды KAZ.NUR.KZ Маңғыстау облысы ПД баспасөз қызметіне сілтеме жасап.

Ведомствоның хабарлауынша, Ақтау қаласының тұрғыны полицияға хабарласып, көріпкел оның тағдырын жақсартуға көмектесемін деп уәде бергенімен, сөзінде тұрмағанын айтқан. Бұл ретте әйел оған 779 601 теңге берген.

Тәртіп сақшылары 32 жастағы күдіктіні ұстады.

"Бұл дерек Қылмыстық кодекстің 190-бабы ("Алаяқтық") бойынша тіркелді", – деп хабарлады Маңғыстау облысы бойынша ПД.

Еске салайық, бұған дейін астаналық әйелдің бір жылда көріпкелге 60 миллион теңге қаржысын беріп қойғаны белгілі болған еді.

Мәтіннен қате тапсаңыз, бізге жазыңыз