Алматыда полицейлерге шабуыл жасаған оннан астам адам сотталды
Опубликовано:
Алматыда өткен жылы өздерінің қызметтік міндеттерін атқару кезінде полиция қызметкерлеріне қатысты зорлық әрекетін көрсеткен 21 факт тіркелген. Оның 12-не қатысты сот отырысы өтіп, үкім шыққан, деп хабарлайды KAZ.NUR.KZ тілшісі.
Алматы ПД жеке қауіпсіздік басқармасының мәліметінше, аталған эпизодтар бойынша Қылмыстық кодекстің 380-бабы бойынша қылмыстық істер тіркелген.
"12 факт бойынша сот үкімі шықты және кінәлілер Қазақстан Республикасы заңнамасына сәйкес лайықты жазаларын алды. Осы жылдың қаңтар айындағы деректер бойынша, департаменттің тергеу бөлімшесі күдіктілер қамауға алынған үш қылмыстық істі тіркеді. Билік өкілдеріне қатысты зорлық-зомбылықты қолдану фактісі бар әр оқиға ерекше бақылауда", - деді Алматы қаласы ПД жеке қауіпсіздік басқармасының басшысы Ерік Жұмабай.
Оның айтуынша, билік өкілдеріне қатысты қауіп немесе зорлық-зомбылық әрекеті қылмыстық тұрғыда жазаланады және кінәлі деп танылғандарға үш жылдан он бес жылға дейін бас бостандығынан айыру жазасы қарастырылған.
Мақаланың түпнұсқасы: https://kaz.nur.kz/society/2006433-almatyda-policeilerge-sabuyl-zasagan-onnan-astam-adam-sottaldy/
