Павлодарда ер адам спектакль кезінде қайтыс болды

Павлодарда 22 қаңтар күні Чехов атындағы драма театрдағы спектакль кезінде ер адам көз жұмды. Оқиға орнына келіп жеткен медицина қызметкерлері тұрғынның қайтыс болғанын анықтаған, деп хабарлайды Pavlodarnews.kz.

Басылым ұсынған мәліметтерге сәйкес, ер адам демалыс күні облыстық Чехов атындағы драма театрда, спекталь кезінде өзін нашар сезіне бастаған. Осылайша тұрғындар тез арада залды босатып, актерлер спектакльдің екінші бөлімін соңына дейін сахналай алмаған.

Өңірлік жедел жәрдем станция баспасөз қызметінің мәліметінше, Астана көшесі, 16 мекенжайы бойынша қоңырау 18.40-та келіп түскен. Алайда медицина қызметкерлері оқиға орнына жеткен сәтте тұрғынның қайтыс болғанын анықтаған.

Ал драма театр директоры Виктор Аввакумов оқиға орнында 43 жастағы, сахнаны монтаждаушы қызметкер қайтыс болғанын мәлімдеген.

Сонымен бірге ол ер адамның қаза болу себебі қанның ұюы екенін айтқан. Тұрғынды жерлеу рәсімі 25 қаңтарда өтеді.