Түркістан облысында полиция полковнигіне қатысты тергеу жүргізілуде

Түркістан облысы Сауран аудандық полиция бөлімі бастығының бұрынғы орынбасары, полиция полковнигіне қатысты сотқа дейінгі тергеу жүргізілуде. Бұл туралы Сыбайлас жемқорлыққа қарсы іс-қимыл агенттігі Telegram-дағы ресми арнасында хабарлады.

Агенттіктің мәліметінше, полиция подполковнигі полиция бөлімінде алаяқтық фактісі бойынша тергеліп жатқан тұлғаларды қылмыстық жауаптылыққа тартуға және іс бойынша залалды өтеуге жәрдемдесу үшін алаяқтық жолмен 1 млн теңге мөлшерінде ақша алды деп күдіктелуде.

"Кінәсін толық мойындауына және залалды өтеуіне байланысты, лауазымды тұлғаға қатысты сот санкциясымен "үйқамақ" шарасы қолданылды.

Сотқа дейінгі тергеп-тексеру жалғасуда. Өзге ақпарат тергеу мүддесіне байланысты жария етуге жатпайды", - делінген хабарламада.