Қар мен жаңбыр: сәрсенбіде елдің ірі қалаларында ауа райы қандай болады

Синоптиктер 15 ақпан, сәрсенбіде Қазақстанның ірі үш қаласы - Алматы, Астана және Шымкентте ауа райы қандай болатынын болжады. Бұл туралы "Қазгидромет" РМК ресми сайтында хабарлады.

Синоптиктердің болжамынша, бүгін Алматыда жауын-шашынсыз ауа райы сақталады, күндіз сынап бағанасы +3...+5, түнде -3...-5 градусты көрсетеді. Желдің жылдамдығы 0-5 м/с дейін жетуі мүмкін.

Ал Астанада қар жауады, -10...-12 градус аяз күтіледі. Түнде күн райы -20...-22 градусқа дейін суытады. Елордада желдің 2-7 м/с дейін күшеюі ықтимал.

Метеорологтардың болжауынша, Шымкентте жаңбыр жауып, желдің жылдамдығы 8-13 м/с жетеді деп күтілуде. Ауа температурасы күндіз +6...+8 градус жылы, түнде термометр көрсеткіші 0...+2 градусты көрсетеді.