Алматы қалалық ТЖД жауын-шашынға байланысты тұрғындарға үндеу жасады
Опубликовано:
Алматы қаласының Төтенше жағдайлар департаменті ауа райына байланысты оңтүстік астана тұрғындарына үндеу жасады, деп жазады KAZ.NUR.KZ ведомствоның баспасөз қызметіне сілтеме жасап.
ТЖД-ның синоптиктердің дауылдық ескертуіне сүйеніп хабарлауынша, сенбі, 18 ақпанда Алматы қаласында қатты жауын-шашын (жаңбыр, қар), тұман және көктайғақ күтілуде.
"Осы орайда Алматы қаласының Төтенше жағдайлар департаменті көлік иелері мен жаяу жүргіншілерді көктайғақ кезінде жолдарда аса сақтық танытып, мұқият болуға шақырады", – дейді ТЖД өкілдері.
Айта кетейік, бұған дейін синоптиктер алдағы демалыс күндері ел аумағында ауа райы қандай болатынын болжаған еді.
Мамандар Қазақстанның басым бөлігінде ауа райы тұрақсыз болатынын болжап отыр.
Мақаланың түпнұсқасы: https://kaz.nur.kz/society/2009896-almaty-qalalyq-tzd-zauyn-sasynga-bailanysty-turgyndarga-undeu-zasady/
