Бүгін Қазақстанның кей ірі қалаларында жел күшейіп, күн жылынады деп күтіледі

Синоптиктер бүгін Алматы, Астана және Шымкент қалаларында ауа райы қандай болатынын болжады, деп хабарлайды KAZ.NUR.KZ "Қазгидромет" РМК ресми сайтына сілтеме жасап.

Метеорологтардың мәліметінше, жұма Алматыда ауа райы жауын-шашынсыз болып, көшпелі бұлт шығады. Қалада күн аздап жылынады, термометр бағаны күндіз +12...+14 градусты көрсетсе, түнде 1...-3 градусқа дейін суытады. Сондай-ақ оңтүстік астанада жел жылдамдығы 2-7 м/с-қа дейін күшейеді.

Бүгін Астанада да көшпелі бұлт шығады, жауын-шашын күтілмейді. Елордада күн айтарлықтай жылынады. Ауа температурасы күндіз +20...+22 градусқа дейін көтерілсе, түнде 0...-2 градусқа дейін төмендейді. Желдің жылдамдығы 2-7 м/с болады.

5 мамыр Шымкентте күн ашық, жауын-шашынсыз ауа райы сақталады. Мегаполисте күндіз ауа температурасы +21...+23 градусты көрсетсе, түнде +7..+9 градусқа дейін жылы болады. Желдің жылдамдығы 8-13 м/с деңгейінде, екпіні 15-20 м/с, кейде 25 м/с дейін жетеді. Осыған байланысты синоптиктер қала тұрғындарына қатты жел болатыны туралы ескерту жасады.