Жел, найзағай, шаңды дауыл: синоптиктер еліміздің бірнеше өңірінде дауылдық ескерту жариялады

Синоптиктер ауа райының қолайсыздығына байланысты 8 мамырда еліміздің бірнеше өңірінде дауылдық ескерту жариялады, деп хабарлайды "Қазгидромет" РМК ресми сайтында.

Метеорологтардың мәліметінше, 8 мамырда Солтүстік Қазақстан облысының батысында, солтүстігінде, шығысында, сол күні күндіз Петропавл қаласында екпіні 15-20 м/с-қа дейін жететін жел тұрады.

8 мамырда Ақтөбе облысында да, күндіз облыстың солтүстік-батысында екпіні 15 м/с болатын жел соғады.

8 мамырда Батыс Қазақстан облысының оңтүстігінде, шығысында найзағай күтіледі. Сондай-ақ өңірде жел тұрып, түнде облыстың оңтүстігінде, күндіз оңтүстігінде, шығысында екпіні 15-20 м/с-қа дейін жетуі ықтимал.

8-9 мамырда таңертең және күндіз Жамбыл облысының оңтүстік-батысында, солтүстік-шығысында, таулы аудандарында, сонымен қатар күндіз Тараз қаласында күші 15-20 м/с-қа дейін жететін жел тұрады күтілуде.

8 мамырда Атырау облысының батысында, солтүстігінде найзағай ойнап, облыстың батысында, солтүстігінде, оңтүстігінде желдің екпіні 15-20 м/с-қа дейін жетуі мүмкін.

8 мамырда таңертең және күндіз Ақмола облысының солтүстігінде, батысында найзағай ойнап, желдің күші күндіз облыстың солтүстігінде, батысында 15-20 м/с-қа дейін жетуі ықтимал.

8 мамырда күндіз Түркістан облысының тауларында найзағай, жел күтіледі. Күндіз облыстың тау асуларында желдің күші 15-20 м/с-қа дейін жетуі мүмкін.

8 мамырда Қызылорда қаласында және облыстың шығысында төтенше өрт қаупі сақталады.

8 мамырда Ақтау қаласында және Маңғыстау облысының батысында, солтүстігінде, орталығында найзағай, күндіз өңірдің оңтүстігінде, шығысында шаңды дауыл, жел күтіледі. Күндіз облыстың батысында, оңтүстігінде, шығысында желдің күші 15-20 м/с-қа, Ақтау қаласында 18 м/с-қа дейін жетуі мүмкін.

8 мамырда таңертең және күндіз Қостанай облысының да батысында, солтүстігінде, шығысында найзағай ойнап, жел тұрады деп күтілуде. Облыстың батысында, солтүстігінде, шығысында желдің екпіні 15-20 м/с-қа дейін жетуі ықтимал.

Синоптиктердің болжамынша, одан бөлек облыстың орталық бөлігінде жоғары өрт қаупі сақталады. 8 мамырда Қостанай қаласында екпіні 15-20 м/с-қа дейін жететін жел тұрауы мүмкін.

Мәтіннен қате тапсаңыз, бізге жазыңыз