"Қыздардан қалысқан жоқ": концерт кезінде билей жөнелген сарбаздар жұртты күлкіге қарық қылды

Әлеуметтік желіде сарбаздардың концерт кезінде билеген сәті тарап, көпшіліктің талқысына түсті, деп хабарлайды KAZ.NUR.KZ тілшісі.

Видео Instagram желісіндегі shyndykz тобында жарияланды.

Кадрдан концерт кезінде үш биші қыздың өнер көрсетіп жатқанын және олардан қалыспай билей жөнелген сарбаздарды аңғару қиын емес.

Бұны көрген желі оқырмандары сарбаздардың әрекеті көңіл-күйді көтергенін жеткізген.

"Сарбаздар өздерінше көңіл көтерді. Бәрі де жарасып тұр", "Тамаша", "Күлкіге қарық болдым", "Видеоны ерінбей он рет көрдім", "Жақсы билейді екен", "Қыздардан еш қалысқан жоқ", "Мектеп кезінде көңілді кештің гүлі болған жігіттер сияқты", "Кез келген ортаны жандыратын азаматтар екен", - деді олар.

Пікір білдіргендердің арасында концертті ұйымдастырушыларды сынағандар да табылды.

Олардың сөзінше, сарбаздардың алдында патриоттық музыкалық нөмірлер көрсетілуі тиіс.