Ерлан Омарбеков ШҚО полиция департаментінің бастығы болып тағайындалды

Шығыс Қазақстан облысының бас полицейі лауазымына полиция генерал-майоры Ерлан Омарбеков тағайындалды, деп хабарлайды Қазақстан ІІМ жаңалықтары Telegram-дағы ресми арнасында.

Ведомство мәліметінше, президент әкімшілігінің келісімімен ішкі істер министрі Марат Ахметжановтың бұйрығымен Шығыс Қазақстан облысының бас полицейі лауазымына полиция генерал-майоры Ерлан Омарбеков тағайындалды.

Сонымен қатар Шығыс Қазақстан облысының активіне және полиция департаментінің жеке құрамына жаңа бастықты Ішкі істер министрінің орынбасары полиция генерал-лейтенанты Ержан Саденов таныстырды.