Жаңбыр, найзағай, 32 градус ыстық: еліміздің ірі қалаларында бүгін ауа райы қандай болады

Бүгін, 13 мамырда Қазақстанның үш ірі қаласында да жауын-шашын түседі деп күтіледі. Сондай-ақ Алматы мен Шымкентте найзағай ойнауы мүмкін, деп хабарлайды "Қазгидромет" РМК баспасөз қызметіне сілтеме жасаған KAZ.NUR.KZ.

Синоптиктердің болжамынша, бүгін Алматыда найзағай ойнауы мүмкін. Күндіз ауа температурасы +24...+26 градус, түнде +15...+17 градус жылы болады. Осы ретте, желдің жылдамдығы секундына 3-8 метрге жетсе, екпіні 13 метрге дейін жетуі мүмкін екені ескертілді.

Астанада жаңбыр жаууы мүмкін. Дегенмен, күн ашылады деп болжануда. Сынап бағанасы +20...+22 градусты көрсетсе, түнде +6...+8 градусқа дейін салқындайды. Желдің жылдамдығы 9-14 м/с, екпіні 15-20 м/с жетуі ықтимал.

Шымкентте бүгін найзағай ойнауы мүмкін. Алайда күндіз мегаполисте күн +30...+32 градусқа дейін ысиды. Түнде сынап бағанасы +17...+19 градусқа төмендейді. Қалада желдің жылдамдығы 8-13 м/с, екпіні 15-20 м/с дейін жетеді деп күтілуде.