Top.Mail.Ru

Сайт нұсқасы

ru kz

Зектілері

Түркістан облысында 15 жасар қыз жасырын түрде азаматтық некеге тұрып, кейін бала босанған

Опубликовано:

Жүкті әйел
Жүкті әйел. Көрнекі сурет: pixabay.com

30 жастағы ер адам 15 жасар қызбен жасырын түрде азаматтық некеге тұрған, бірақ баласы дүниеге келгеннен кейін қыздың ата-анасы күйеу балаға зорлады деген айып тақты, деп хабарлайды Түркістан облыстық сотына сілтеме жасаған KAZ.NUR.KZ.

Тергеу барысында ерлі-зайыптылар өткен жылдың наурыз айында ер адамның үйінде бірге тұра бастағаны анықталған. Осы уақытқа дейін қалыңдықтың туыстары азаматтық неке туралы білмеген, бірақ оған үзілді-кесілді қарсылығын білдірді.

2022 жылдың қазан айында жас қыз нәрестелі болғаннан кейін оның ата-анасы полицияға арыз жазған.

16 жасқа толмаған қызды зорлады және жыныстық қатынасқа түсті деген күдікпен ер адамның үстінен қылмыстық іс қозғалды. Ер адам бұл айыппен сот алдына келген.

Жасөспірім сотқа баласымен бірге келіп, жалғыз асыраушысын бас бостандығынан айырмауды өтінді. Прокурор ер адамды 17 жылға бас бостандығынан айыруды талап етті. Сотталушы өз кінәсін ішінара ғана мойындаған.

Сот зорлау дәлелденбеген деген қорытындыға келіп, бұл бап бойынша айыптамауға шешім қабылдады. Алайда ер адам 16 жасқа толмаған адаммен жыныстық қатынасқа түскені үшін кінәлі деп танылды. Іс бойынша жазаны ауырлататын жағдайлар анықталған жоқ.

Сот үкімімен ер адам 4 жылға бас бостандығынан айыру жазасына кесілді. Үкімге ешкім қарсы шыққан жоқ және заңды күшіне енді.

Мақаланың түпнұсқасы: https://kaz.nur.kz/society/2021003-turkistan-oblysynda-15-zasar-qyz-zasyryn-turmysqa-sygyp-bosangan/

pixel