Қазақстанда Астанадан Ташкентке тікелей әуе рейстерінің саны артады

Шілде айынан бастап Қазақстан мен Өзбекстанның астаналары арасында тікелей тұрақты жолаушылар рейсін ашу жоспарлануда. Бұл туралы Сыртқы істер министрлігі Азаматтық авиация комитетінің Telegram-арнасында хабарлады.

"ҚР Сыртқы істер министрлігінің Азаматтық авиация комитеті қазақстандық әуе компанияларымен бірлесе отырып, халықаралық рейстердің санын көбейтіп, ұшу географиясын кеңейту жұмыстарын жүргізуде", - деп жазылған хабарламада.

Басылым жазуынша, 2023 жылдың 3 шілдесінен бастап FlyArystan әуе тасымалдаушысы А-320 типті ұшақтарда аптасына 2 рейс (дүйсенбі, сәрсенбі) жиілігімен Астана-Ташкент бағыты бойынша тікелей тұрақты жолаушылар рейсін ашады.

ОАО Қазақстан мен Өзбекстан арасындағы рейстер санының артуы елдер арасындағы сауда-экономикалық, мәдени және туристік қарым-қатынастарды одан әрі дамытуға ықпал ететінін айтты.

FlyArystan ресми сайтының ақпаратынша, Астана мен Ташкент арасындағы жалпы қашықтық шамамен 1600 шақырымды құрайды. Егер тікелей рейспен ұшатын болсаңыз, ұшу уақыты екі сағатқа созылады.

Еске сала кетейік, наурыз айының басында Қазақстан Самарқанд, Ферғана және Бұхараға тікелей әуе рейсін ашуды жоспарлап отырғаны белгілі болды.

Air Astana және "Өзбекстан әуе жолдары" әуе компаниясы Алматы-Ташкент бағыты бойынша рейс жиілігін аптасына 14-тен 20-ға дейін, ал Астана-Ташкент рейстерін аптасына 6-дан 12 рейске дейін ұлғайтуды жоспарлап отыр", - делінген ОАО хабарламасында.