Алматыда таулы жерлердегі құрылыстан 150-ден астам заң бұзушылықты анықтады

Алматы прокурорлары таулы жерлерде құрылыс жүргізу кезінде 150-ден астам заң бұзушылықты анықтады, деп жазады KAZ.NUR.KZ.

Қала прокуратурасы құқық қорғау және жергілікті атқарушы органдар басшыларының қатысуымен таулы жерлерде, сондай-ақ су қорғау және ерекше қорғалатын аумақтарда құрылыс салу мәселесі бойынша Үйлестіру кеңесінің отырысын өткізді.

Қадағалау органы құрылыс барысында 150-ден астам заң бұзушылықты анықтады (рұқсат құжаттарынсыз заңсыз жер беру және құрылыс салу, егжей-тегжейлі жоспарлау жоспарларын түзету, құрылыс салуды жүзеге асыру кезінде тау ландшафтарын өзгерту, жер учаскелерін мақсатсыз пайдалану және т.б.)

Үйлестіру кеңесінің қорытындысы бойынша осы аумақтарда құрылыс салуды бақылау тетіктерін күшейтуге, құрылысқа рұқсат беру құжаттарын беруді болдырмауға және уақтылы ден қоюға бағытталған бірқатар нақты шаралар қабылдау ұсынылды.

Сонымен қатар қадағалау органы жүргізілген талдау материалдарын құқықтық баға беру үшін құқық қорғау органдарына беретін болады.