Ұлттық құрылтайдың үшінші отырысы Атырауда өтеді

Түркістанда Ұлттық құрылтайдың екінші отырысы аяқталды. Президент келесі жиын өтетін аймақты белгіледі, деп жазады KAZ.NUR.KZ.

"Осымен, Ұлттық құрылтайдың екінші отырысын қорытындылайық.

Былтыр Ұлытауда, биыл киелі Түркістанда бас қосып, елдік мәселелерді талқыладық.

Ел тарихында айрықша орны бар тағы бір аймақ – Атырау облысы. Ондағы әйгілі Сарайшық қаласында атақты хандарымыз ордасын тіккен.

Мен Ұлттық құрылтайдың келесі отырысын осы шежірелі аймақта өткізуді ұсынамын. Елімізде лайым жақсылық көп болсын!", - деді мемлекет басшысы.