Абай облысында 15 жастағы қыз бала із-түзсіз жоғалып кетті

Абай облысының полицейлері жоғалып кеткен 15 жастағы қызды іздестіріп жатыр. Ол 19 маусымда үйден шығып кетіп, қайта оралмаған. Бұл туралы бүгін Ішкі істер министрлігінің Telegram-дағы жаңалықтар арнасы хабарлады.

Құқық қорғау өкілдерінің айтуынша, дүйсенбі, 19 маусым күні сағат 15:00-де кәмелетке толмаған қыз бала үйден белгісіз бағытта кетіп, сол күйі оралмаған. Александро Юрченко сұр түсті джинсы киген, иығында қара рюкзагы бар.

Жасөспірімнің белгілері: спорттық дене бітімді, көздері жасыл, шаштары ақшыл, иығынан төмен.

"Іздестіріліп жатқан жасөспірімге қатысты қандай да бір ақпарат білсеңіз, +7 (707) 951-46-65, +7 (707) 503-26-43 немесе 102 телефондары арқылы хабарлауыңызды өтінеміз", – дейді құқық қорғау өкілдері.