Астанада жөндеу жұмыстарына байланысты тағы бес автобус бағыты өзгерді

Астанада жөндеу жұмыстарына байланысты бес автобус бағытының қозғалыс сызбасы өзгертілді, деп хабарлады бүгін City Transportation Systems компаниясы Instagram желісіндегі ресми парақшасында.

Жөндеу жұмыстары аяқталғанға дейін №304, 315, 316, 322 бағыттардың қозғалыс сызбалары өзгереді.

Сонымен қатар №72 бағыттың да қозғалыс кестесі өзгереді.

Төменде өзгертілген трафик үлгілерін көруге болады.

City Transportation Systems елорда тұрғындары мен қонақтарын маршрутын алдын ала жоспарлауға шақырды.

Еске салайық, 21-26 маусым аралығында Ш.Уәлиханов көшесінің бойындағы Кенесары көшесінен Иманов көшесіне дейінгі учаскеде жол жөндеу жұмыстарына байланысты көлік қозғалысы тоқтатылды.

Мәтіннен қате тапсаңыз, бізге жазыңыз