Top.Mail.Ru

Сайт нұсқасы

ru kz

Зектілері

Астанадағы жарықтың өшуі: қала әкімдігі апатқа не себеп болғанын айтты

Опубликовано:

Жоғары вольттық бағана
Жоғары вольттық бағана. Көрнекі фото: pexels.com

Кеше, 29 қазан күні елордада апат салдарынан қаланың жартысы жарықсыз қалған болатын. Астана қаласы әкімінің бірінші орынбасары Нұрлан Нұркенов Өңірлік коммуникациялар қызметінде өткен брифингте апат не себепті болғанын мәлімдеді, деп хабарлайды KAZ.NUR.KZ.

Нұрлан Нұркенов Астанадағы апат 29 қазан күні сағат 21:57-де болғанын еске салды.

"ЖЭО-2-ден қуат алатын қосалқы станцияларда тұтынушыларға берілетін электр қуаты шектелген. Барлығы 10 қосалқы станция істен шықты. Төтенше жағдай жетекші желілерде болды. Апатқа кабельдің үзілуі және шкафтардың бірінің өртенуі себеп болды", - деді спикер.

Естеріңізге сала кетейік, елордада кеше кешкі уақытта желідегі апат салдарынан қаланың оң жағалауында жарық сөнгенін жазған едік. Тұрғындар электр қуатынсыз қалғанын айтып, желіде жарыса жазба қалдырған болатын.

Оған қоса жарықтың сөнуінен бөлек, ауыз су беру де тоқтатылған.

Кейін түнгі сағат бірде электрмен жабдықтау қызметі толық қалпына келтірілді.

Мақаланың түпнұсқасы: https://kaz.nur.kz/society/2043193-astanadagy-zaryqtyn-osui-qala-akimdigi-zaryqtyn-osuine-ne-sebep-bolganyn-aitty/