Алматыдағы автобус апаты: зардап шеккендердің қазіргі жағдайы белгілі болды

Алматыдағы автобус апатынан зардап шеккен науқастардың соңғысы ауруханадан шығарылды. Бұл туралы Алматы қалалық қоғамдық денсаулық сақтау басқармасына сілтеме жасаған KAZ.NUR.KZ хабарлайды.

Ведомствоның хабарына қарағанда, 2023 жылдың 22 желтоқсанынан бастап стационарда болған үш пациенттің барлығы қажетті емдеу курсынан өтіп, амбулаториялық бақылауға жіберілген.

"Ауыр жарақат алған соңғы науқас - ауруханада 13 күн болған 50 жастағы әйел үйіне шығарылды, ол 22 желтоқсаннан бері стационарда жатқан, оның бірнеше күнін жансақтау бөлімінде өткізген", - делінген басқарманың хабарламасында.

Әйел № 7 қалалық клиникалық ауруханасына ауыр жағдайда түскен, бірнеше сүйегі сынып, травматикалық шок алған.

"Науқасқа операция жасалды: ацетабулярлы тірегі мен бұрандалары бар реконструктивті пластинаның сол жағындағы ацетабулярлы түбінің ашық репозициясы.

Хирургиялық операция сәтті өтті. Операциядан кейінгі кезең асқынусыз өтті. Оңалтудың ерте кезеңі жүргізілді, операциядан кейінгі 7-тәулікте науқас емдік ұсынымдарымен шығарылды", - деп атап өтті Алматы қаласының № 7 ҚКА директоры Манас Рамазанов.

Бұған дейін № 7 ҚКА нейрохирургиялық бөлімінде ем алған тағы екі адам үйіне шығарылған. Олар - 1987 жылғы жүргізуші әйел және 1968 жылы туған ер адам. Зардап шеккендерге барлық қажетті медициналық көмек толық көлемде көрсетілді.

Алматыдағы автобус апаты

Еске салайық, 22 желтоқсанда Алматыда №7 аурухана маңында автобус аялдамада тұрған бір топ адамды қағып өткені хабарланған еді. Кейін қалалық ПД өкілдері оқиғаның жай-жапсарын айтты.

Оқиғадан 7 адам зардап шеккен, олардың үшеуі жедел жәрдем келгенше оқиға орнында қаза болған. Төрт адам ауруханаға жатқызылған. Олардың ішінде 15 жастағы бала бар.

Сонымен қатар жүргізуші әйелді ұрған жолаушыға қатысты екі бап бойынша іс тіркелгені хабарланды. Ол қамауға алынған. Кейін автобус адамдарды қағып өткен сәттің видеосы жарияланды. Одан кейін желіде апат кезінде автобус салонында болған жағдай көрсетілген ролик тарап кетті.

Сондай-ақ дәрігерлер зардап шеккен төрт адамның жағдайын айтып берген еді: олардың үшеуі медициналық мекемеде ем алып жатқан еді. Ал жүргізушіге шабуыл жасады деген күдікті 2 айға қамауға алынды.

Бұдан бөлек автобус апатында қаза тапқандардың туыстары оқиғаның мән-жайын айтып берген болатын.