Көкшетауда қамқоршының асырауына берілген 9 жастағы қыз ауруханаға түсіп қалған

Қамқоршының тәрбиесіне берілген қыз ауруханадан бірақ шыққан. Бала көп уақыттан бері мектепке бармаған – бұл дерек Көкшетауда анықталған, деп хабарлайды KAZ.NUR.KZ облыстық прокуратураға сілтеме жасап.

Көкшетау қаласының прокуратурасы ата-анасының қамқорлығынсыз қалған балалардың құқықтарының сақталуына тексеру жүргізді. Осы тексеру қорытындысы бойынша қорғаншылықтағы 9 жасар қыздың ұзақ уақыт бойы сабаққа қатыспағаны және қажетті медициналық көмек алмағаны анықталған.

Қазіргі уақытта қыз бала көптеген аурулармен "Көпбейінді облыстық балалар ауруханасы" ШЖҚ МКК-ға орналастырылып, қамқоршы өз міндеттерін орындаудан шеттетілді.

Прокуратура органдары Білім бөлімімен және жергілікті атқарушы органдармен бірлесіп, балаға психологиялық, материалдық және өзге де көмек көрсету бойынша қажетті шараларды қабылдап жатқаны айтылады.