Top.Mail.Ru

Сайт нұсқасы

ru kz

Зектілері

Түнгі клубта төбелескені үшін жұмыстан қуылған ақтаулық полицей қызметіне қайта кірісті

Опубликовано:

Полиция қызметкері
Полиция қызметкері. Көрнекі фото: NUR.KZ/Владимир Третьяков

Ақтауда түнгі клубта төбелеске қатысып, жұмыстан қуылған жергілікті полиция қызметінің басшысы сот ісі өткеннен кейін қайта қызметке алынды. Бұл туралы Lada.kz басылымына сілтеме жасаған KAZ.NUR.KZ хабарлайды.

Басылымның жазуынша, 2023 жылы түнгі клубта төбелесті деп айыпталып, жұмыстан шығарылған Ақтау полиция басқармасы жергілікті полиция қызметінің бастығы Е.О. оған қатысты сот ісі өткеннен кейін қызметіне қайта алынды.

Дереккөз ақпаратына сүйенсек, бұл іс Қылмыстық кодекстің 293-бабы (Бұзақылық) бойынша тергелген. Кейін тәртіптік комиссияның шешімімен екі қызметкер ішкі істер органдарындағы қызметінен босатылған еді.

Төбелеске қатысты деген күдікке ілінгендер – Ақтау қалалық ПБ жергілікті полиция қызметінің бастығы мен Мұнайлы аудандық ПБ патрульдік полиция ротасының командирі.

Алайда жергілікті басылымның дерегінше, жақында әлеуметтік желіде "оқиғаға қатысушылардың бірінің Instagram-дағы парақшасына қарағанда, ол ішкі істер органдарында жұмысын жалғастырып жатқан көрінеді" деген ақпарат пайда болды.

Тілшілердің жазуынша, облыстық полиция департаменті баспасөз қызметінің өкілдері бұл ақпаратты растап, офицер сот шешімімен қызметіне қайта алынғанын хабарлады.

"Хабардар бол!" - NUR.KZ ұсынған жаңалықтар топтамасы

Редакция ең өзекті мақалаларды бір жерге топтастырып, назарға ұсынады. Әлемде және елде болып жатқан аптаның ең маңызды оқиғаларынан әрдайым хабардар болып отырыңыз.

* міндетті түрде толтырылуы керек жол

Мақаланың түпнұсқасы: https://kaz.nur.kz/society/2119911-tungi-klubta-tobeleskeni-ushin-zhumystan-quylgan-aqtaulyq-politsei-qyzmetine-qaita-kiristi/