"Қазақстандық туристер Грекияда өрт қойды": бұл ақпаратқа СІМ өкілі пікір білдірді

Бұған дейін қазақстандық туристерге яхтадағы отшашу салдарынан болған Грекияның Гидра аралындағы өртке қатысты айып тағылған болатын. Сыртқы істер министрлігінің ресми өкілі Айбек Смадияров ұсталғандар арасында қазақстандықтар жоқ екенін айтты, деп хабарлайды KAZ.NUR.KZ.

"Бұл ақпарат жарияланғаннан кейін Қазақстан консулы осы оқиғаға байланысты Грекия билігіне хабарласты, полиция ұсталғандар арасында Қазақстан азаматтары жоқ екенін және оларға да ешқандай шағым түсірілмегенін хабарлады", - деді Айбек Смадияров.

Айта кетейік, Грекияда шетелдік туристер яхтадан отшашу атып, орманды өртеп, Идра аралында өрт қойды деген кұдікпен 13 адамды қамауға алған болатын.

"Идра аралындағы Бисти ауданында 21 маусымда кешке орманда өрт тудырған Грекияның 16 азаматын өрт сөндіру қызметінің қызметкерлері 22 маусымда қамауға алды. Жексенбі таңертең Пирей прокурорының алдында жауап береді", - деп хабарлады өрт сөндіру қызметі.

Мәтіннен қате тапсаңыз, бізге жазыңыз